سيارتي غرقت في المطر أو دخلها ماء — وش أسوي؟

الخطوات بالترتيب

1. 1

   سلامتك أول

   إذا الماء يرتفع أو يجري حولك، اطلع من السيارة لمكان مرتفع فورًا ولا تنتظر. السيارة تتعوض، وأنت لا. للطوارئ اتصل ٩١١ أو الدفاع المدني ٩٩٨.

2. 2

   لا تشغّل المحرك

   إذا طفت السيارة في الماء أو وصل الماء فوق مستوى الأبواب، لا تحاول تشغّلها. دخول الماء لغرفة الاحتراق يكسر المحرك من أول محاولة، وتتحول مشكلة بسيطة لمحرك كامل.

3. 3

   صوّر كل شي

   صوّر مستوى الماء على السيارة، داخلها، والموقع (نفق أو شارع). هذي الصور تحتاجها لمطالبة التأمين.

4. 4

   اطلب سطحة — مو سحب

   السيارة الغرقانة تنقل على سطحة والكفرات كلها مرفوعة، عشان ما يتضرر القير. افتح واير واكتب «السيارة غرقانة» في الوصف، ولو السيارة منخفضة أو فخمة اختر سطحة هيدروليك.

5. 5

   ودّها للورشة قبل أي تشغيل

   الورشة تفحص الزيت (إذا لونه حليبي فيه ماء)، فلتر الهواء، والكهرباء، وتنشّف السيارة قبل ما تشغّلها. تشغيلها قبل الفحص يضيّع عليك التأمين ويكبر الضرر.

أشياء تنتبه لها

• لا تدخل نفق أو منخفض فيه ماء حتى لو شفت سيارات قبلك عدّت — عمق الماء ما ينقاس بالعين.
• وقت المطر الطلب على السطحات يرتفع، فاطلب بدري ولا تنتظر الماء ينزل.
• إذا تقدر بأمان، افصل البطارية عشان تحمي الكهرباء — ولا تلمس شي والسيارة في الماء.
• التأمين ضد الغير ما يغطي أضرار سيارتك. التأمين الشامل غالبًا يغطي الغرق حسب وثيقتك — كلّمهم قبل الإصلاح.

وش تسوي إذا…